朋友提議到附近的日本料理食個高級日式午餐
她話這兒主打 Omakase 即是廚師發辦的菜式
是日本料理的最高境界，大廚會用時令的食材炮製出自家的拿手菜式
午餐時間當然點最抵食的午市定食
我點了客 ... 廚師特選天婦羅、壽司 16 件定食 HK$480
定食包了沙律、前菜、蒸蛋、雪糕或咖啡
醒胃的沙律和前菜先來，有我最愛的魚仔 ~~
很豐富的茶碗蒸，蒸蛋又香又滑，裡面仲有蝦、雞肉和冬菇 ~~
定食有 16 件廚師特選天婦羅和壽司
食客可以自選天婦羅和壽司的數量，款式就不可揀要由廚師發辦
我就揀了 4 件天婦羅 + 10 件壽司 + 1 件手卷 (1件手卷當 2 件壽司計算)
廚師特選的壽司全部都好啱我的口味
有我愛食的帶子壽司、牡丹蝦壽司、 海膽壽司 ...
時令的魚生真的特別新鮮美味，連壽司飯也特別香和煙靭
壽司中間已加了適量的 wasabi，加少少豉油提味或者不加就咁入口，更能食出食材的鮮味
碎吞拿魚腩手卷
侍應貼心的等我的壽司食完，才詢問是否可以上手卷
因為手卷外面的紫菜放耐了，入口唔脆唔好食的
油脂滿滿的吞拿魚腩碎配上煙靭的米飯和脆脆的紫菜
再加上剛炸起的洋葱，食落去更香口和多了洋葱獨有的甜味，真是令人回味無窮
天婦羅也是這兒的招牌菜，薄而脆的炸漿輕輕包裹食材，不會太厚重也不會有油份積聚
我的 4 款廚師特選天婦羅，有鮑魚、蝦、魚和苦瓜
第一次食鮑魚天婦羅，最初以為是鮮菇，原來是半隻鮑魚，食落去鮮味又軟腍
蝦天婦羅以紫菜包著蝦來炸，外層更加香脆，蝦肉彈牙又鮮甜
沖繩苦瓜天婦羅入口爽脆，味甘而不苦
最後，我就嘆番杯香濃的咖啡，朋友就揀了芝麻雪糕，為這頓美味的午餐畫完美的句號
岩浪天扶良日本料理 Iwanami Japanese Restaurant
香港 銅鑼灣 軒尼詩道 525 號 澳門逸園中心 9 樓
** 以上分享是以我的口味、喜好和情況作出分享及感受，一試 / 合用與否請自行決定
沒有留言:
張貼留言