所以上次與囝囝嚟京林屋食了抹茶甜品
今次又帶返囡囡嚟撐枱腳
上次我和囝囝都一試愛上的 焙茶沙冰雪糕 HK$58 當然要推介比囡囡喇 !!!
一家人的口味果然是一樣的 ... 囡囡也超鍾意這杯茶味香濃的焙茶沙冰雪糕
先食個熱騰騰的 稻庭麵 HK$68 暖暖胃
最初以為稻庭麵即是稻庭烏冬，嚟到至知是唔同的
稻庭麵是較粗身的扁麵，食落去很順滑，仲有兩大塊魚餅，不錯
之後，是我們最期待的甜品時間 ...
囡囡的 抹茶啫喱雪糕 HK$58
抹茶軟雪糕下面有很多抹茶啫喱
抹茶啫喱食落去有點軟糯口感，再加埋茶味濃郁又軟滑的抹茶雪糕，真是滿口抹茶香
而愛上了焙茶的我，就點了客 焙茶芝士蛋糕配自選的桃味焙茶 HK$108
有甜品食又有茶飲，一次過滿足我兩個願望 ~ ~
桃味焙茶可以沖泡 3 次
第一杯店員已經為我們沖泡好，店員一倒出熱茶已經聞到陣陣桃香
呷一口桃味焙茶就嚐到茶味桃味仲有果甜，飲落去很舒服
之後，就要自己動手泡茶，先將熱水倒入茶壺至七成滿，再以小漏斗計時
約半分鐘就有清新桃香的桃味焙茶飲囉 !!!
焙茶芝士蛋糕很少見的口味
甘香濃郁的焙茶和豐厚忌廉芝士很夾
焙茶雪糕配上煙靭的白玉丸子和清甜的紅豆一起食，口感和味道都很豐富
京林屋
香港 銅鑼灣 軒尼詩道 500 號 希慎廣場 6 樓 603-4 號舖
** 以上分享是以我的口味、喜好和情況作出分享及感受，一試或合用與否請自行決定
沒有留言:
張貼留言