儍媽媽與兩隻小魔怪之家 : 【澳門遊】美食篇 ♥ 超豐富的自助晚餐 ♥ 澳門 JW 萬豪酒店。名廚都匯

同事上兩個月去澳門工幹時

順道試了澳門 JW 萬豪酒店的自助餐，返嚟大力推介

我呢位同事的飲食喜好與我好相似

他咁落力推介，今次嚟澳門玩當然要試下喇 !!!

想試的朋友記住預先訂枱，這兒很旺場的，即時 walk-in 未必有位的

我們咁醒目，當然是一早訂了位喇 !!!

我們的座位就在飲品區隔離，一入來就被一樽樽的果汁吸引著

兩隻小魔怪急不及待的去拎了兩樽返來 ... 蜜柑汁和西柚汁

儍爸鍾意果味濃郁又不太甜的蜜柑汁，而我就鍾意酸酸甜甜很開胃的西柚汁

不只果汁任飲，仲有港式奶茶、凍熱咖啡、檸檬茶 ... 任你飲

食物的種類好豐富，分了幾個不同的美食專區，由指定廚師主理

先攻我至愛的『海鮮區』有即開生蠔、波士頓龍蝦、蟹腳、日式刺身 ...

即開生蠔每次只可拎 3 隻，我和儍爸加埋就拎了 6 隻試下先 ~ ~

這兒用的是澳洲生蠔，不太大隻但是新鮮肥美

日式刺身也有 5 款 ... 三文魚、北寄貝、八爪魚、油甘魚和大大隻的牡丹蝦

冷盤的海鮮有 ... 青口、海蝦、蟹腳、波士頓龍蝦、加菲蟹

原隻加菲蟹和蟹腳就啱哂我和儍爸兩個蟹痴，開邊的波士頓龍蝦有很多膏

另一個美食區也有蒸海鮮 ... 翡翠螺、青口、蜆

食了轉蒸蜆和翡翠螺之後，轉了蒸扇貝，當然要試囉 !!!

點心都好多款式，糯米雞、蝦餃、叉燒飽 ...

但都是留番 quota 食其它，好似燒和牛、燒羊架、香腸 ...

這大盤鮑魚片真是好吸引

連平時食自助餐不太鍾意食飯類的我，也清了半碗加了 XO 醬的鮑魚海參泡飯

片皮鴨就是兩隻小魔怪的至愛，他們每人都食了幾件呢 !!!

烤鴨不只即烤即片，師傅仲會加埋醬包好至比你，每人每次限拎兩件

鴨件仲暖的，很香又不太油膩，怪不得成晚都咁多人排隊等

仲有好多 ... 麻婆豆腐、楊州炒飯、拍青瓜 ... 豐富到試唔哂 > <

幾肚都好都要留位置食甜品 ...

七彩繽紛的泡芙好吸睛，有朱古力、紅桑子、焦糖、抺茶 ... 真是好想全部口味都試哂 !!!

紅桑莓啫喱幾特別，酸酸甜甜有助消化

澳門 JW 萬豪酒店一樓

Urban Kitchen 名廚都匯

** 以上分享是以我的口味、喜好和情況作出分享和感受，一試 / 合用與否請自行決定

儍媽媽與兩隻小魔怪之家