囝囝囡囡每日放學後，又攰又肚餓
返屋企第一件事就是食茶點，補充了體力至有氣有力做功課溫書喎 ... 真是借口多多
這日準備了好特別的茶點比他們 ... 凍檸賓 + 奶醬多
仲有我的 ... 熱奶茶 + 奶醬多
這些咁有創意的杯子蛋糕 ... 賣相太精緻了
將西式的杯子蛋糕加入本土港式茶餐廳風味
變成了 8 款不同口味的『扮清糕』系列 cupcakes (HK$28@)
分別有 4 款凍飲、2 款熱飲和 2 款小食
。凍檸賓 。凍咸檸七 。凍檸茶 。紅豆冰
。港式奶茶 。熱好立克
。奶醬多 。菠蘿油
仲特別幫凍熱飲品的杯子蛋糕
加上凍飲飲管和套上茶餐廳的外賣紙杯，賣相真是唯肖唯妙 ... 創意滿分
囡囡就鍾意味道和賣相都好清新的 ... 凍咸檸七
面層的忌廉有咸檸七的咸味，再加上新鮮青檸塊，杯子蛋糕裡面仲收埋了粒話梅肉
食落去又咸又酸又甜，很開胃
囝囝就鍾意 ... 熱好立克 ... 因為蛋糕上面有他至鍾意食的好立克糖
忌廉上面灑上麥餅碎及插了小半塊麥餅，加添了麥香的味道
凍檸茶與凍檸賓一樣有塊沾滿焦糖的檸檬片
忌廉上面和杯子蛋糕裡面也加入了紅茶碎
食落去茶味香濃，整個蛋糕充滿著凍檸茶的味道
一睇到大大粒的紅豆就知這杯是紅豆冰
忌廉加入了紅豆碎和椰奶，加上蛋糕裡面有紅豆蓉，真是好似『食』紅豆冰咁
而我最鍾意的是 ... 港式奶茶
面層啡色的忌廉很幼滑，仲帶有香濃的奶茶香
加埋忌廉上面的紅茶碎和紅茶味的杯子蛋糕，真是好想來多杯『港茶奶茶』
面層是菠蘿包的脆皮，仲夾了片厚厚的牛油
... 由上面望落去真是好似一個菠蘿包
菠蘿油對愛美的女士來講真是又愛又恨
而這杯小巧的菠蘿油就啱啱好，既可以止下口癮，又唔會咁肥
Twinkle Baker Decor
香港 九龍 尖沙咀 麼地道 63 號 好時中心 2 樓 282 號 (尖東地鐵站 P2 出口)
** 以上分享是以我的口味、喜好和情況作出感受和分享，一試 / 合用與否請自行決定
沒有留言:
張貼留言