逛完有宮崎駿精品賣的公路休息後
繼續我們的行程 ... 浜松市 Fruit Park
日本日夜的溫差頗大，早上和晚間的氣溫較冷只有 4度
中午有陽光氣溫上升至 11度就會較暖和
這日的天氣不錯，藍天白雲 ... 心情也較舒暢 ... 好適合郊遊
由名古屋到浜松市 Fruit Park 車程約一個半小時
由最初寬闊的高速公路轉至彎彎曲曲的鄉郊小路
很快就到了目的地囉 !!!
由於浜松位處日本 本州中部地區，氣候溫和
特別適合種植水果，蜜柑更是首屈一指的產物
浜松市 Hamamatsu Fruit Park 是日本 環境資源百選之一
它的面積有 43 公頃，不只是一個種植了各種時令水果的果園
還有酒窖、BBQ 場、遊樂場，可以玩足一日，是一個不錯的親子樂園
入園要收費：成人 700YEN / 小學生 350 YEN (泊車免費的)
正當儍爸購票時，我就被櫃台陣陣的柚子香味吸引著
原來這些清新的柚子香味是由兩個當造的晚白柚發出的
園內常見到一顆顆掛滿橙黃色蜜柑的樹
在遊樂場裡面就有一顆 ... 真的好想摘一粒豐腴的蜜柑來嚐嚐
果園種植了各種時令水果，如蘋果、士多啤梨、葡萄等，可以到果園來個採果體驗
我們到訪的季節正值士多啤梨當造的季節，有興趣的可以來個 30 分鐘採士多啤梨放題
出產咁多時令水果，當然用來製成客種的水果產品喇 !!!
有很多果汁，梨汁、桃汁、提子汁 ...
裡面有大大粒水果的 Fruit Bar
包裝得精緻的水果啫喱和果醬，睇見都想食
本來想試粉紅色的士多啤梨味爆谷
但是見到大大粒的士多啤梨即刻改變主意
有靜崗縣和浜松 Fruit Park 產的士多啤梨
我們當然揀了這兒浜松 Fruit Park 自家出產的章姬士多啤梨
士多啤梨的外型很靚，每粒都紅卜卜，細長圓錐形
章姬的甜度很高只有輕微酸味，果味濃郁又多汁
之後，到了酒窖 ... 裡面有用各種水果釀製的水果酒
還試了銷量最好的哈蜜瓜酒
酒精濃度不高，甜甜的，仲帶有濃濃的哈蜜瓜香味，真是幾好飲
經過 BBQ Garden 本來想試下燒烤午餐
但是大人一位 2,300YEN，小朋友也要 1,500YEN 一位，仲要是餐不是放題 ... 好似貴了少少
之後去了隔離睇睇，原來這兒有甜品放題，仲要好抵食
1,000YEN 一位的 60 分鐘午市放題包了主菜和甜品 ... 全場食物都食得
另一款 500YEN 平一半的 30 分鐘甜品放題就只可以食甜品
大小同價，3 歲以上就要收費
經商議後，我們決定留肚食今晚豐富的溫泉料理
揀了好抵食，只需 500YEN 一位的甜品放題
在門口付款後，每人比一個掛牌和餐具，自己搵個靚位就可以去搵食喇 !!!
掛牌是方便店員識別你是邊款放題，我們的藍色掛牌不可以去搵主菜的
主菜方面有日式湯麵、牛肉飯、漢堡包、意粉等 ... 不太吸引我們
其實甜品種類也不太多，不過有整我們鍾意食的甜品和水果就夠喇 !!!
水果已切成小塊，有蜜瓜、西柚、火龍果、奇異果、菠蘿、蘋果 ...
第一時間食日本蜜瓜和蘋果，其它就每款試了少少
除了水果，還有布甸、啫喱、雪糕泡芙、窩夫 ...
還有凍熱水和綠茶任飲
食幾轉水果和甜品都差不多 30 分鐘
無時間學日本小朋友咁自己做水果餃子
見到佢地將水果、果醬、棉花糖和喜歡的配料放在餃子皮裡面
放在焗爐焗一陣再唧點忌廉、果醬等配料裝飾就得喇
食幾轉水果和甜品都差不多 30 分鐘
無時間學日本小朋友咁自己做水果餃子
見到佢地將水果、果醬、棉花糖和喜歡的配料放在餃子皮裡面
放在焗爐焗一陣再唧點忌廉、果醬等配料裝飾就得喇
食飽飽就去遊樂場玩下，有很多野玩的
可惜，我們最想玩的波浪形滑梯無得玩 ... 整個大型兒童遊樂場維修中 > <
在官方網頁見到兒童遊樂場亦是以水果為主題
蘋果外形的長滑梯和有個連大人都玩得的滑台 ...
Hamamatsu Fruit Park 浜松市 水果園
日本 靜岡縣 浜松市 北區 都田町 4263-1
日本 靜岡縣 浜松市 北區 都田町 4263-1
沒有留言:
張貼留言