鍾意食泰菜的我們就去了泰園的灣仔新店聚一聚
原來泰園成為了榴槤 BB 的使用店
用我至愛的馬來西亞的貓山王榴槤製作了榴槤飲品、抄飯和甜品
我們幾位榴槤痴當然全部點哂
先來榴槤飲品 ... 友人的 榴槤沙冰 和我的 薄荷榴槤特飲
左邊白色的是友人的榴槤沙冰 ... 無試到味添
右邊綠色的是我的薄荷榴槤特飲，榴槤味都幾濃，加埋薄荷好清甜解渴的飲品
前菜點了 泰式柚子蝦沙律
柚子是撕成一小件的，不會撕到一絲絲碎碎的好難夾入口，咁樣食落口至過癮
今次加了大大隻、新鮮又爽脆的大蝦，配上醬汁，微辣又酸酸甜甜的，好開胃
生醃瀨尿蝦
店方貼心的上掉瀨尿蝦中間的殼，吃起來方便很多
泰式醬汁酸甜微辣，每隻瀨尿蝦鋪滿蒜蓉和醬料
但是我鍾意撥去少少瀨尿蝦上面的醬料，因為太多醬料會遮蓋瀨尿蝦的鮮甜味
好豐富的 燒海鮮拼盤，裡面有元貝、貴妃蚌、魷魚、大蜆和大頭蝦
全部海鮮都好新鮮美味，而我鍾情燒魷魚，燒到外面焦香，入口爽彈
好大堆頭的 泰園爆炸辣蟹
蟹炸到很乾身，大大件的蟹肉厚身又肥美，不過叫得爆炸辣蟹 ... 都幾辣的
除了蟹，配料都好好味，我和友人將炸到脆卜卜的香葉當薯片咁食
惹味又香口的 蒜蓉牛油雞翼 一點都不油膩，肉質還好嫩滑，是我們每次必點的菜式
相比冬蔭功湯，我較喜歡 椰汁雞湯
充滿香茅和檸檬葉的香味，也帶點酸酸辣辣，加入了濃郁的椰奶總覺得很滋潤養顏 ...
到了我期待已久的榴槤時間 ... 榴槤抄飯 ... 一上枱已經聞到香噴噴的榴槤味
講真 ... 好似未食過用榴槤做的熱葷 ... 今次好似第一次食 ...
賣相與平時食的泰式抄飯無咩分別，但是裡面真是有榴槤肉
食落去除了有榴槤的香味，還有榴槤的清甜味
咁特別的榴槤抄飯 ... 下次要帶埋我家三隻榴槤怪來食先 ~~
榴槤糯米飯 在泰國食過一次，之後就搵唔番囉 !!! 今次又可以回味囉 !!!
這碟榴槤糯米飯以榴槤 BB 的貓山王榴槤果肉伴以椰汁糯米飯
榴槤肉軟滑香甜帶少少咬感，配上滑溜的椰汁糯米飯，完全無膩滯感，好味到想來多客
榴槤糕 的口感有點似大菜糕
以貓山王榴槤做的榴槤味的大菜糕當然好味好多喇 !!!
泰園
香港 灣仔 軒尼詩道 256 號 The Hennessy
** 以上分享是以我的口味、喜好和情況作出分享和感受，一試 / 合用與否請自行決定
沒有留言:
張貼留言