早晨茗茶 ※ 嘆點心 ♥ 佳寧娜潮州酒家

【2015 年 8 月】


每次外遊後，最想食的就是點心
最想搵間酒樓慢慢坐，慢慢嘆番幾籠點心

九龍城廣場有兩間酒樓，兩間都好多人 ... 要等位 ...
我們揀了佳寧娜潮州酒家 ... 唔知點解覺得它們的中國茶應該會好喝點

等了約 20 分鐘，終於有位 ...
我點了不是好多酒樓有的龍井茶 ...
試過有酒樓是但比壼香片就話是龍井，以為我們飲唔出 > <

一坐低就放下碟酸菜和潮州辣椒油

囝囝至愛的叉燒腸粉 ...腸粉夠熱、皮又薄，還有很多叉燒 ~~

儍爸至愛的薑葱牛栢葉 ... 醬汁微辣，燜得夠腍，無咩牙力的囝囝都咬到

都是儍至愛的醬皇蒸鳳爪 ... 不太油膩，醬汁好惹味
墊低的豆腐卜吸收哂醬汁的精華，特別好味

上湯鮮卷 ... 相比蠔皇鮮竹卷，我就鍾意上湯腐皮卷多點 ... 因為很怕蠔皇鮮竹卷杰杰的獻汁

最後，也是囝囝鍾意的蝦餃 ... 皮薄煙韌，餡料的蝦肉也夠鮮味彈牙

佳寧娜潮州酒家

香港 九龍城 賈炳達道 128 道 九龍城廣場 4 樓 406-410 號舖

** 以上分享以我的口味、喜好及情況作出分享，一試 / 合用與否請自行決定