自家煮 ♥ 廉價人蔘補一補 ♥ 牛蒡紅蘿蔔粟米湯

在街市買餸見到這支好有益的牛蒡
本來想整涼伴牛蒡絲，但是又用唔哂成支牛蒡喎
咁就改了用嚟煲湯喇 !!!

咪睇少呢支好似柴枝的牛蒡 ... 是健康之寶嚟的
含豐富的纖維素、碳水化合物、蛋白質、礦物質 ...
用來入藥、烹煮、涼拌都得的

牛蒡紅蘿蔔粟米湯的材料好簡單 ...

新鮮牛蒡一條、粟米一條、紅蘿蔔一個、蜜棗兩粒、豬骨

牛蒡洗淨後，斜切成片狀

豬骨出水，備用
粟米和紅蘿蔔切件，備用
煲滾水後加入所有食材，大火煮滾後繼續煮 10 分鐘，之後轉細火再煮 1 小時加鹽調味就飲得

煲的時候，牛蒡香味佈滿成屋 ...
兩隻小魔怪成日都問個湯煲好未 ??? 飲得未呀 ???
煲好的湯好清甜 ... 佢地不只湯，湯渣都食埋呀 !!!

** 以上分享是以我的口味、喜好及情況作出分享和感受，一試 / 合用與否請自行決定