Harbour Grand Cafe ♥ 悠閒自助午餐

【2015 年 5 月】

做了媽媽後，更加覺得母愛的偉大 ... 父母對我地付出太多 ...
做仔女的要對佢地更加好 ...
這日是母親大人的生日，下午就與她們去食大餐慶祝

為了方便兩老，地點揀了北角 港島海逸君綽酒店的 Harbour Grand Cafe

可惜天公不造美，早上還大風大雨，正想是否要取消這日的自助午餐
但是壽星媽話唔緊要喎 ... 當然喇 !!! 我們這一家都是「食」為先 ...

除了餐後的咖啡或茶，每人還包了一杯飲品，橙汁、西柚汁、汽 水任揀

亦可能因為天雨關係，這日食客不多，生蠔和壽司都唔需要排隊
... 可以舒舒服服咁慢慢嘆

生蠔每次拎 3 隻 ... 新鮮又肥美 ... 就咁加少少檸檬汁和黑楜椒食就至正

海鮮類遇有長腳蟹、青口、蜆、蝦、龍蝦仔

有即煮的麵食就啱哂老人家胃口 ...還有很多餸及配料任揀
當然還有不少食物，可惜胃口有限，又掛住食和傾偈 ... 無拍太多照片

甜品種類也不少 ... 全部都好吸引 !!!
我至鍾意朱士力慕絲蛋糕 ... 好香濃的朱古力 ...

雪糕是 Movenpick ... 也有很多口味任揀 ... 我就鍾意雪糕配窩夫

最後，本來想點杯咖啡，但見有檸蜜就點了杯熱檸蜜滋潤一下

Harbour Grand Cafe
香港 北角 油街 23 號 港島海逸君綽酒店 3 樓


** 以上分享是以我的口味、喜好及情況作出分享和感受，一試 / 合用與否請自行決定