諗起海鮮就想到西貢，但這日朋友介紹我們到白沙灣食海鮮
由於這兒無西貢中心咁方便，價錢比西貢抵食好多，但海鮮都是咁新鮮的
碼頭有一些咪錶位，我們這日早了些到，很易搵到位泊車
這兒的海鮮店規模無西貢市中心的大，不會有大魚缸，海鮮款式也不會太多
但我們想食的奄仔蟹、豉油皇大蝦 ... 都是這店的招牌菜
一坐下，先來個鹵水豬腳筋 ... 鹵水不太咸，腳腳筋煮得好入味又夠腍
白灼跳螺
本來不鍾意食跳螺，因為之前食的跳螺很細隻，無咩肉又食不出味道
但這日的跳螺較大隻，肉質鮮甜又彈牙
椒鹽鮮魷 ... 外面的脆漿不太厚，炸到鬆脆，魷魚又夠新鮮彈牙
鬼馬九菜花抄蜆仔 ...
因為個菜名得意所以點來試，其實與很多菜館的小抄王差不多
裡面有九菜花、蜆仔、蝦乾 ... 抄得乾身又夠穫氣
『鬼馬』就是油條，好脆的油條夾埋九菜花和蜆仔一起食好好味
豉油皇大蝦 ... 是這兒的招牌菜，友人的推介菜
蝦很大隻，惹味的醬汁滲入大蝦裡面很入味，肉質扎實又夠鮮味
蝦殼又炸到酥脆，好味到連蝦殼一起食
豉汁涼瓜炆班腩 ... 又是一道惹味的餸菜，涼瓜甘香又不苦，炆得好夠味
粉絲蒜蓉蒸帶子 ...
帶子夠大隻又夠厚肉，調味不太重手，所以食到帶子的鮮味
另外，粉絲吸收哂帶子的鮮味，一定食埋呀 !!!
油鹽焗奄仔蟹 ... 是這兒的招牌菜，也是我最期待的一道菜
肉質和蟹膏都好飽滿
淡黃色的蟹膏不似膏蟹咁硬實，較軟身的，味道也較清甜甘香
以鹽和雞油去焗的奄仔蟹，連穀都有鹹香，蟹肉也吸收了少少鹽味，大大提升鮮味
鹽焗雞 ... 有點像潮式鹹雞，咸咸香香的好送飯
金九記海鮮火鍋酒家
香港 西貢 白沙灣145號 地下
** 以上分享是以我的口味、喜好和情況作出分享和感受，一試 / 合用與否請自行決定
沒有留言:
張貼留言