創意菜式 ... 醉雞湯飯 ♡ 咖啡蜜糖焗豬柳飯 ♡ 腐乳多士 ... 蘇三茶室

又清番以前的食文 

《2015 年 1 月》
最愛食又愛嚐新的我們又去試新野
之前見網友介紹這間蘇三茶室
就是比它特別的菜式吸引 ...

蘇三的菜式家常得嚟又幾特別 ...

醉雞湯飯 ... 醉雞就食得多，配湯飯真是未試過

人面醬撈麵 ... 人面醬 ??? 咩嚟的 ???

咖啡蜜糖焗豬柳飯 ... 咖啡飲過，蜜糖及豬柳都食過，但加埋一起煮就真是未試過

鍾意店內古色古香的吊燈和吊扇，帶點懷舊的情懷
加上開放式廚房，有點似去了朋友家吃飯的感覺

蘇三也頗愛貓 ... 茶室貓跡處處

服務不錯的店 ... waiter 有禮貌又有熱誠，仲好有耐性
我們對餐牌上的特別的菜式很感興趣之餘又豫疑不決，遲遲都點不到菜
waiter 有耐性的介紹每個菜式

終於點了兩份午餐 ... 時菜醉雞湯飯及咖啡蜜糖焗豬柳飯
由於咖啡蜜糖焗豬柳飯製作需時，先上 ... 時菜醉雞湯飯

醉雞好入味，有好濃郁的酒香，雞肉也嫩滑

湯頭的酒味較輕，微微酒香的鮮雞湯拌飯一流，食完暖笠笠

咖啡蜜糖焗豬柳飯
黑漆漆的賣相不太討好 ... 上面黑漆漆的是吸滿咖啡蜜糖汁的洋蔥

 

有點咖啡的苦味，又有蜜糖的甜味，第一口不太鍾意苦苦的味道
配埋嫩滑的豬柳及飯再試 ... 覺得味道頗特別 ... 甜甜、苦苦、又有咖啡香 ... 拌飯不錯的

餐茶 ... 雖然用茶包沖泡的奶茶及檸檬茶，但也覺得特別好飲

食到尾聲，才醒起無試到好想試的 ... 腐乳多士
好彩，大胃王儍爸係度，點多份腐乳多士嚟試

不是用方包，而是用法包做的多士，一份有三片 ... HK$32

 

腐乳醬另上，按口味自己塗抺
我愛塗上厚厚的腐乳醬 ... 咁至爽 ... 但就較咸
多士烘得香脆，記住要襯熱食，咸咸脆脆的，都幾好食  ... 下次試下加少少砂糖應該仲好食

蘇三茶室
香港 九龍 土瓜灣 美善同道 1 號 美嘉大廈 地下10號舖

** 以上分享是以我的口味、喜好及情況作出分享及感受，合用 / 一試與否請自行決定