自家製 ... 香噴噴 ♥ 熱騰騰 ♥ 仲有脆卜卜飯焦 (*^_^*) 蝦乾臘味煲仔飯

天氣凍，特別想食香噴噴又熱騰騰的煲仔飯

但是屋企附近又無得食喎 ... 唯有試下自家製

第一次整的蝦乾臘味煲仔飯 ... 好成功呀 !!!
無煲燶之餘，仲煮到脆卜卜的飯焦

其實材料及做法都簡單的 ... 大家都可以試下

餸都是揀屋企現有的，蝦乾、臘腸、臘肉及乾瑤柱適量

先將臘腸及臘肉切片，蝦乾及乾瑤柱浸軟

洗米，放入缻煲中加水，蓋上蓋用大火煲至水滾 (約 3-5 分鐘)

打開蓋用筷子快手攪拌幾下使米飯鬆散

 

在爐上加散火板，蓋上蓋轉中慢火煮約 8-10 分鐘

這塊散火板 ... 家品店有售 ... 功用是使火力平均分佈於煲底，無咁易燒燶

 

之後可以放入餸料，加蓋再煮約 15-20 分鐘至熟透

我們愛吃飯焦，最後改用大火煲多陣

這個時候，要留意煲的反應 ...
當飯煮到煲蓋噴出蒸氣，即是飯開始慢慢收水，煲底及煲邊的飯燒焦便會冒出白煙
咁就要拿起缻煲離火，焗多陣之後，加少少甜豉油就食得

煲邊及煲底有成層脆卜卜的飯焦，愛吃香口野的小魔怪好鍾意呢 !

仲嚷著下星期又要再煮煲仔飯 ...

** 以上分享是以我的口味、喜好及情況作出分享及感受，合用 / 一試與否請自行決定