終於睇到 ♡ 迪士尼 ♥ 光影匯花車巡遊

在 Facebook 玩遊戲抽中了兩張迪士票入場劵
買多了兩張小童票就可以一家四口入園玩囉

好鍾意沿途的風景 ...
除了與兩隻小魔怪沿途找尋隱藏在路牌的米奇標誌
當車駕進青馬大橋時，有如置身外國寬闊的道路 ... 好有渡假 feel

講真不太鍾意星期日入園玩 ... 好怕人多，每個遊戲都又要排長龍至有得玩 > <
這日連停車場都要排隊 ...
入園多次 ... 第一次遇到停車場都要排隊的情況 > <

樂園已經換上聖誕節佈置... 好美的聖誕樹

 

本來諗住先坐火車遊樂園一圈，但是因為加建工程 ... 停開
轉去坐小鎮大街古董車展開懷舊之旅，點知好多好多人排隊 ... 又放棄了 ...

 

之後，向住明日世界的馳車天地進發 ... 因為兩隻小魔怪好想駕車
點知馳車天地又是太多 ... 太多人囉 ... 要等 60 分鐘至玩得 ...

兩隻小魔怪駕不到車，有點失望 ...
但囝囝見到隔離正興建 Iron Man Experience ... 又開心番哂 ... 不過要等到 2016 年至開呀 !!!
 

 

唯有又轉玩其他 ... 咁啱『米奇幻想曲』就開場又有位喎 ... 當然諗都唔諗即刻入場喇 !!!

跟著去了反斗奇兵大本營，入口處有個『反斗劇場』Toy Story Theatre
每日有 4 場，剛好遇上 1:00PM 第一場的表演
這個做事戲場是利用 Toy Story 角色中的玩偶及現場的小朋友作互動情式講故事
故事好精采，小朋友們都聽得好投入的

轉轉彈弓狗是兩隻小魔怪最近愛玩的遊戲，每次入園都要玩的

經過宏偉的迷離大宅，可惜技術故障 ... 無緣入去探亨利爵士

好吸引的雪糕雪條 ...

中午時間去食個晏再繼續 ...

今次試了泰山樹屋對面的東南亞美食
東南亞食物很多都帶點辣，好似我點的馬來燒雞腿伴鮮茄汁配椰香飯
諗住鮮茄汁不辣 ... 可以讓不吃辣的小魔怪食喇
 ... 點知最辣就是這個汁 ... 所以點餐時要留意喔 !

不過，這個帶辣的鮮茄汁惹味又好送飯，我就好鍾意

食飽去到幻想世界 睡公主城堡外，就被好多 Frozen 包圍

 

有好美的雪花型 Elsa & Anna 曲奇、連樂園的地圖都是 Elsa & Anna

 

店舖裡面有很多很多 Elsa ... Anna ...
這兩套公主服好受歡迎，好多小妹妹還即試即買即著

入園用 fast pass book 了的巴斯光年星際歷險時間到了，去打怪獸囉!!!

 

再去馳車天地、 米奇金奬音樂劇 ... 

很也就到了我們好期待的『迪士尼光影匯』夜間巡遊時間

 

囝囝至鍾意的反斗車王花車隊 ... 好閃的閃電王麥坤及阿麥貨車

反斗車王兵花車隊 ... 由巨大的彈弓狗載住牛仔胡迪和巴斯光年出場

小魚仙花車隊 ... 一眾海底世界的謝登國王、艾利奧公主及海洋生物

睇完閃爆的光影匯光花車巡遊，再經過充滿聖誕氣氣的美國大街小鎮

提早感受一下聖誕氣氛

** 以上分享是以我的口味、喜好及情況作出分享及感受，合用 / 一試與否請自行決定