但都是得個講字 ... 仲未去到
咁啱在新蒲崗搵食的時候
見到間新開的沖繩炸麵包店 ... 一定要入去試吓先
四周掛滿除魔的沖繩吉祥物 Shisa
亦以象徵琉球文化的黃、藍、綠、紅四原色作主調
其中一幅牆壁以日本風的四格漫畫來介紹它的六款皇牌沖繩炸麵包 ... KAWAII 呢
中間有夾有日本年糕的是甜味 ... A 繽 紅豆、B 繽 "紅芋" 紫蕃薯、G 繽 黑芝麻
咸味 ... C 繽 日式咖哩紅燒沖繩豚肉、O 繽 中華風咖哩雞肉、J 繽 薯蓉
午市時間至抵當然是套餐囉
我們 2 個大人 1 個小朋友
先點一份套餐及一份炸麵包餐先
唔夠再加，好過食唔哂
Oki-Day Set HK$68 ... 沖繩宮城肉醬飯定食
附飲品及甜品，炸麵包可以自選口味，儍爸揀了 C 繽 (Curry Pork Oki Bun)
C 繽 是 Ace 皇牌 以日式咖喱配沖繩紅燒豚肉
炸麵包質感鬆軟、外皮香脆不油膩
裡面的日式咖喱汁不太多 ... 很怕食 "杰杰" 醬汁又太多醬汁的包
充滿東洋風味的咖喱濃香，豚肉鬆化一點都不靭，很惹味
定食好豐富，以沖繩特產海葡萄及水雲製成的沙律
黑色好似髮菜的是水雲沙律
水雲即是海藻，加入水果醋的水雲沙律，酸酸甜甜的加上清爽滑潤的口感，是醒胃的前菜
另一款前菜是海葡萄沙律
一串串像青提的海葡萄，是生長在海水中的小海藻
入口爽脆，咬下去有些鹹味的汁液爆出，味道有點似三文魚子
再配以特色柚子芥茉沙律醬制成 沙律，酸酸甜甜的亦是醒胃的前菜
沖繩苦瓜奄列 ... 入口不苦，還很爽脆，配上日式醬汁及木魚絲，很好味
沖繩宮城肉醬飯 ... 飯面的宮城肉醬有點似日式麵豉醬，咸咸甜甜的，配白飯食很夾
套餐的飲品 ... 凍玄米茶
另一款 Oki 繽套餐 Oki Bun Set HK$38 ... 自選一款 Oki 繽 + 一款特色飲品 (附甜品)
特色飲品揀了黑糖冰檸檬茶
應該是黑糖檸檬茶沙冰較貼切
食著香脆的炸包，配埋冰凍的沙冰 ... 爽呀
囝囝揀了 J 繽 Potato Oki Bun
薯蓉混入了沙律醬，酸甜醒胃，我只是食了一啖，其餘的比囝囝 KO 哂你就知有幾好食
定食及 Oki Bun Set 的甜品都是一樣 ... 芝媽咪 ... 好得意的名稱
其實是花生豆腐，用黃豆、花生及糯米製成
最似以為似雞蛋布甸咁，原來似年糕，黏黏的 QQ 的很煙靭
有濃濃的黃豆味及花生香，就咁食味道較清淡，沖繩人會沾甜或咸醬油一起食
這處配上沖繩黑糖就成為美味的甜品 ... 可惜，囝囝不愛食，儍爸和我就一人一個囉
** 以上分享是以我的口味、喜好及情況作出分享及食後感，合用 / 一試與否請自行決定
沒有留言:
張貼留言