再試自家製 ♡ 新鮮出爐 ♡ 紅莓麵包

上星期日，老公腸胃炎冇出街，在屋企休息
我及兩隻小魔怪無所事事，又整麵包食

不過，囡囡話再整白方包 -_-! 好悶喎
就用了啱啱在 "7仔" 買的紅莓乾整了 <紅莓甜麵包>

 

今次包頂扁塌，賣相不太好，但較上次鬆軟
加上甜甜地的紅莓，好好食的

 

經網友的指點，食譜改良了少少

將水改為牛奶 ... 也加多了 1/4 份量的牛奶


另外，麵包唔夠鬆軟是因為一般麵包機的和面 (搓麵團) 時間唔夠
所以在開始正式整麵包程序前
自行用手動模式作多一次和面程序

這樣，合共 40 分鐘的和面程序就足够喇

新鮮熱烘烘、外脆內軟的紅莓麵包出爐不夠 30 分鐘
就比我地食哂落肚囉