好食推介 ... 榴槤奶涷

上星期日又與兩隻小魔怪去食他們至愛的榴槤甜品

有時都覺得他們幾特別

人仔細細居然鍾意食『不是人人接受到的生果』... 榴槤

而更特別的是『帶他們去食榴槤甜品』... 居然是一項奬勵

剛升上小一的囝囝，開學不久就要應付英文默書

雖然只默幾個英文生字及 3 句英文句子

對於一個幾歲的小朋友來講很辛苦喇

以為呢個懶散囝不會溫習，一定唔識喇

WOW ... 點知 ... 在家幫他模擬默一次之後

他居然識哂喎

所以 ... 為了鼓勵他繼續努力 ... 就帶他去食至愛的榴槤甜品

 

榴槤豆腐花 + 榴槤班戟 + 榴槤奶涷

要食好味的榴槤甜品 ... 當然是去天后的 甜姨姨私房甜品 

成家榴槤怪 ... 當然點哂榴槤甜品

 

榴槤豆腐花 ... 以前介紹過，去呢度睇番 http://blog.yahoo.com/estercheung/articles/619329

榴槤奶涷 Durian Cream Mousse HK$36

中文名為奶涷仲以為會是好似啫喱咁柔軟的質感

所以我覺得英文名 Durian Cream Mousse 形容得較為貼切

但不是質感柔軟的 mousse

而是質感較實在又冰涷的 mousse

不過，我覺得用雪糕來形容更貼切

賣相不錯 … 奶涷形狀似布甸，再以榴槤肉及忌廉作配襯

奶涷是用忌廉及牛奶，加上榴槤肉做的

食時將榴槤奶涷加少少榴槤肉及忌8廉一齊放入口

即刻嚐到超濃郁的榴槤味，但又有忌廉及牛奶的香滑

好特別的味道，食完整個口腔也留有榴槤的香味