好食推介 ... 超好食的榴槤甜品 @甜姨姨私房甜品

我地一家四口都愛榴槤
難得小魔怪咁乖一早起身行慈善步行 (可以按此重溫 親子郊遊樂 ... 點滴揹水行2012 @山頂)
就獎勵一下佢地 ... 去食佢地至愛的榴槤甜品

 

榴槤豆腐花

 豆腐花在最底層，面層是榴槤肉+忌廉打成的榴槤忌廉汁，仲有一大粒榴槤肉在上面
 本來淡淡的豆腐花加埋香甜濃郁的榴槤忌廉汁及榴槤肉 ... 味道好特別
 

 

榴槤豆腐花 簡真是天堂與地獄的混合體
將氣味唔易接受的榴槤與健康養生的豆腐花組合埋一起
想不到結果咁襯的 ... 簡直是絶配

好味到呢 !!!

豆腐花及榴槤都是囝囝的至愛，成碗霸住嚟食!!!

但是一向唔食豆腐花的囡囡都搶住食就知有幾好味喇 !!!

超級榴槤雪沙 Super Durian Sorbet HK$56

榴槤雪葩 + 榴槤忌廉汁 + 自製榴槤雪糕 + 新鮮榴槤肉 + 榴槤乾 + 榴槤威化餅

 

榴槤雪葩味道較淡，加少少榴槤忌廉汁一起食味道啱啱好

一碗甜品裡有哂多種榴槤口味，一次過滿足哂愛食榴槤的你對榴槤的所有慾望

不過，話明是 super ... 份量當然較大
雖然不太甜及榴槤又唔漏，但是一個人未必食得 ... 最好 share 嚟食喇

好鍾意店裡面的這句話『覺得喜歡榴槤的人，也許有點勇敢』
多謝讚賞 ... 呵 呵 呵

真的 ... 只要你肯勇敢一點去試一口榴槤，就會發覺它的香甜味美
可能從此愛上呢 !!!

甜姨姨私房甜品 Auntie Sweet‧天后 清風街 13 號地下