好食推介 ... 創新南洋菜 + 榴槤沙巴雪餅 @灣仔‧老巴刹廚房

今晚試了一間飯店
但講不出是那個地方的菜式
我覺得有點似中菜、上海菜、又有點似馬來西亞菜式
老巴剎廚房鍾師傅說「巴剎」在馬來話中即市集，意指「甚麼都有」

老巴刹廚房 Old Bazzar Kitchen
灣仔 灣仔道 207 號舖

食家蔡瀾及轁轁，仲有街坊食神的金剛及小儀都嚟過的

黑白胡椒牛脷芯 HK$138



牛脷芯是牛舌中間的位置，燒得好香，吃起來嫩滑中帶爽脆，仲好 JUICY
配埋 WASABI 鼓油冇咁油膩

馬拉醬炒羊柳 HK$98

馬拉盞炒菜就食得多，用嚟炒羊柳就第一次試
個汁冇平時食開炒菜的馬拉盞咁濃，不辣的，但依然很惹味
不太濃的馬拉醬冇蓋過羊肉味

峇拉醬撈麵 HK$58

我至愛的粗麵，當然要試喇
峇拉醬裡面有蝦米、咸咸香香，有點似 XO 醬  + 馬拉盞
微辣帶點咸香的峇拉醬配上爽口冇鹼水味的粗麵好好食

 

榴槤沙巴雪餅 HK$45 件

其實即是榴槤凍餅，據店員解釋因為在沙巴吃過，試著做的，所以叫沙巴雪餅

賣相不錯，有點似芝士凍餅
面層的粉是木槺粉
冰感很重，雪得硬硬的，吃起來奶香濃滑，好 creamy
仲有很多榴槤肉 ... 好新鮮的金枕頭嚟的
好好食，好想食多件 ... 可惜這件已經是最後一件
其實應該是好好彩至真，叫遲少少都試不到呢 !!!

中間果層是榴槤肉嚟的 ... 好足料的



想試的榴槤 FANS 要注意喇
店員話這個月應該仲有得食
下個月就不知喇 ... 因為已經過了食榴槤的季節
榴槤不靚就不會做這個榴槤雪餅

不過，都可以試下荔枝雪餅及芒果雪餅