薩莉亞意式餐廳 Saizeriya Italian Restaurant
地址：將軍澳培成路8號南豐廣場1樓R1B號舖
雖然它是間勁多人的長龍店
但是為了這個 超人氣純樸風味的即製麵包
又去排隊搵食喇 !!!
今日早了少少到 (約 5 點)，不太多人
但都要等約 30 分鐘至有位香蒜佛西亞意大利包 HK$8
即製的、熱辣辣又香軟的麵包
蒜香撲鼻、烘到脆卜卜 ... 一個不夠喉，要再點多個芝士佛西亞意大利包
芝士佛西亞意大利包 HK$8
芝士包冇香蒜包咁脆卜卜
芝士又不油膩，好香乾的麵包
好好食 ... 再來多個都食得落
粟米忌廉湯 HK$9
用金黃粟米及香滑鮮奶精磨而成
好濃，用料十足的粟米湯 ...
甜蝦多利亞焗飯 HK$24
好大隻好鮮甜的蝦，不是急凍蝦，是新鮮蝦嚟
面層的芝士多了少少
裡面的飯混了茄汁，酸酸甜甜好醒胃
可惜份量太少、太細碟喇，只食到兩口唔多夠喉
尼哥狄索比亞墨魚汁意大利粉 HK$26
最初以為是黑色的墨魚汁意利粉
原來是普通意大利粉混黑漆漆的墨魚汁，但都好好味，好有墨魚的鮮味
還有很多的墨魚片呢
特選鐵板牛扒 (160G) HK$39
這個價錢確實抵，不可要求太高，但絶對價回票價
自助飲品吧 HK$12
有多款選擇，咖啡、朱古力、汽水、水果茶等
雪糕球 HK$12 ... Dreyer's 嚟的
勁好記性的小魔怪，一食完野即刻嚷著要點雪糕
... 梗係喇，一大個雪糕球，啱哂佢地喇 !!!
沒有留言:
張貼留言