好食推介 ... 牛角日本燒肉專門店 @九龍灣德福廣場

在日本擁有逾 636 間分店的牛角日本燒肉專間店
終於在香港開店 ... 怪不得咁多捧場客

試過晚飯去等位，超多人呢!!! 個半鐘只叫了幾個枱號 ...

上星期六下午又試下碰運氣 ... 好好運喎 ... 等了半個鐘就有位喇
即場仲見到有人預約訂枱 ... 但居然是訂今年 5 月呀

 
點完菜 ... 發現枱面有瓶好特別的調味料
魔法之鹽 ... 其實是帶蒜香味的鹽
但我都是鍾意另一款帶甜味的燒烤醬汁

點了呢款好特別的刺身 ... 柏葉刺身 HK$39 ... 是香港獨有的
雖然叫刺身，但唔係生吃的，菜名的由來我想因為好似刺身咁凍食的關係吧
其實是將黑柏葉灼熟放涼，加青瓜絲，再混合以醬油及大蔥製成的醬汁而成
刺身部位只取黑柏葉「觸鬚」部位 ... 勁爽口，值得一試的前菜

牛角創業者 西山知義社長 仲教 3大燒肉美味秘技
記住睇完呢個美味秘笈至開始燒烤 ...

厚切牛舌 HK$49 ... 我的至愛牛舌
1CM 厚切 ... 好JUICY 好爽快的食感

上級牛肋肉 HK59 ... 燒肉汁或塩醬揀
原來呢碟是一頭牛只有 8KG 的無骨肋肉 ... 怪不得特別好味

梅醬豬頸肉 HK$49 ... 燒好後的豬頸肉質地尚嫩，但唔覺有梅醬味 ... 點解???

原來，梅醬另上的 ... 將燒好的豬頸肉點少少梅醬吃，無咁肥膩及 "漏"

王樣! 腹胸肉 HK$69 ... 一碟有兩大塊腹胸肉，附一小碟牛油及鉸剪
侍應說要用慢燒，差不多燒好再用鉸剪成小塊，最後放牛油
可能火力掌握不好，肉面有少少燒焦，但仍然食到好濃郁的牛肉味
店長見議蘸點魔法之鹽食，可令腹胸肉滋味提升

食燒肉一定要食少少飯，吸咁 D 油，至會無咁 "油膩" 的
我推介牛角飯 HK$19 一大碗 ... 即是紫菜＋燒汁＋珍珠飯
紫菜好香口，加埋燒汁撈飯真的好好味，不須再加任何餸，都可以食一大碗呢

最後，食埋本店推介 全人類叫好的甜品 ... 銅鑼燒 (雲呢拿/抺茶雪糕) HK$19
外觀是豆沙餅，內裡加了雪糕
侍應說放在爐的中心每邊烤 10 秒就可以，烤到餅面烙上燒焦的格紋就食得
燒過後的銅鑼燒外層的餅面變脆，中間的紅豆餡及雪糕，一冷一熱，「冰火」口感好特別 ... 真的要試喔!!!

每款食物約 HK$50 一碟，細細碟可以試多幾炊款，多點幾款也不肉痛呢!!!
咁好食 ... 搵日再 ENCORE 先