多人得有理的得奬長龍店 ... 金滿庭京川滬菜館@奧海城

奧海城不常去，但每次經過呢間食店都好多人，咁多人幫襯真係好好食???

不過，每次都因為門口埋人潮而卻步

今晚，得到兩張奧海城百老滙戲票，順便撐枱腳

經過呢間長期長龍食店的門口 ... 居然冇人等位 ... 終於有機會試吓呢間得奬長龍店
曾創下日賣過千隻小籠包，以及日賣400碗擔擔麵的紀錄
大角咀奧海城‧金滿庭京川滬菜館

雖然冇人等位，但店內差不多全滿 ... 可知在星期一晚市全滿席可是旺店喔




一坐下，侍應放下一碟小食 ... 我的至愛 ... 蝦
雖然是小食，但超好味，尤其是個醬汁 ... 好味到連蝦殼都 "論" 埋

有個小貼士比大家，小食原來都可以換的
我見較我地遲入座的隔離枱的小食是青瓜，佢地即時同侍應要求換碟蝦 ... 青瓜同蝦，我都揀蝦喇

另一個話比大家知的貼士 : 就係點茶
掛住食蝦，一如以往一坐下點壺鐵觀音
到侍應拎住鐵觀音嚟到，至見到有其它茶款揀的
可知茶是要收 $$ 的，我呢 D 精明的消費者 ... 當然要求換喇
侍應又冇黑面喎 ... 服務一流 ... 讚
之後咪點左呢壼碧螺春 ... 仲有人蔘烏龍茶、西湖龍井等

今晚得兩老撐枱腳，試的菜式不多

醉雞 ... 好濃的酒香，我勁鐘意食；但男人話太勁酒味，有 D 苦

酸辣湯 ... 我唔太鐘意酸辣湯，又酸又辣唔知點咁；但呢碗酸辣湯比坊間的較酸較辣，味道啱啱好，勁似我鐘意食的碗仔翅 ... 仲要係加左醋及胡椒粉的

order 前真係有 D 驚 ... 8 隻小籠飽 ... 兩個人食好似多了 D
但一口一個的一口小籠飽 ... 皮薄多汁 ... 一陣就食哂

新改良擔擔麵 ... 我地 order 的是少辣
未食過佢傳統擔擔麵，比較唔到新改良有咩分別
我覺得好食過詠藜園 ... 我鐘意 D 大大粒的花生碎，好有咬口，令到個湯同麵好香