攞完 Hydroxydase 礦物質泉水 ~ 去澳洲牛奶公司食早餐^^

今日唔洗返工，去佐敦攞今次的試用產品
一盒 20支 200ml 的水 ... 仲要係玻璃樽
咁重 ... 梗係要搵個 man 幫手拎
但佢暫時有約，唯有自己去
不過，佢話咁重 "打的" 番歸喎 ... 佢比 $$
拎了實物至知冇想像中咁重，用個袋裝住又易拎又方便
所以就去了附近的澳洲牛奶公司食我的早餐

幾時都咁多人的澳洲牛奶公司
排隊冇聊，影低袋試用產品先
20支 200ml 玻璃樽裝  Hydroxydase 高密度礦物質泉水

 

一個人好易 "sip" 位，等了一陣就有位
真好彩 ... 仲趕得及 "早餐" 時間 ... 慳番 $4
平時好少食牛油多士 ... 怕肥囉
但呢度的厚多士烘到脆卜卜熱騰騰， 又有咬口的厚多士真係好難忍到口