甜之迷

今晚去了布袋澳食海鮮慶祝細姑媽及細姑丈結婚12週年

 

食完飯唔夠喉，去九龍城廣場食甜品先 ... 試呢間新開的甜品店 "甜之迷"

店員好好人比了間貴賓房我地坐，間房好 grand 的，又有電視睇

 ... 勁舒服... 正

 

餐牌上的甜品好特別的，好以果D fusion 菜咁，

唔覺有傳統的芝麻糊及蕃薯糖水果D

我地 order 了幾款甜品

 

表哥的 favour ~~ 心太軟併雪糕 (可自選雪糕口味)

表姐的 Tiramisu

細姑丈的芒果腸粉

大姑媽的芒果撈河粉 ~ 凍食的河粉喔

傻爸的香檳葡萄沙冰 ~~ 好凍好好飲，仲有葡萄粒粒

家姐的甘露柚子果凍 ~ 柚子果凍配上楊枝甘露，一次過可以食到我至愛的兩款甜品

下次去記住在門口攞張宣傳單張，因為下面有兩張coupon，凡惠顧滿 $50 即送咖啡仔或芒果布甸一客

我地食完比埋錢至見到呢張宣傳單張 ... 蝕左