Unicef 小畫家大夢想繪畫比賽 @ 維園

同事 M 開始放產假, 而我亦開始長短週的生涯

今日短週放假就梳乎, 但下個星期六就慘啦 ... 

長週返朝九晚六, 年廿八又要去婆婆屋企做節, 趕到死

今日雖然唔洗返工, 但節目豐富到呢

首先同細佬去畫班接家姐, 再送佢上合唱團

自己先襯空檔去食 "早餐", 之後就同家姐去維園參加繪畫比賽

Unicef 又安排得幾好, 劃分了七個區域, 仲用顏色代表, 老遠已經睇到粉紅色的汽球 ... 

家姐分配到佢的至愛粉紅色區

呢區的主題是 "PEACE 平安", 而佢地的作品梗係要圍繞著平安

去到登記處報到後

每人分派一張畫紙, 一張厚墊紙, 一套顏色筆套裝

 (好正的, 有齊水筆, 蠟筆, 木顏色筆及粉彩, 仲有埋擦膠及鉛筆刨)

仲有一枝果汁 ... 

成個活動免費的, 連飲品都比埋, 真係細心到呢

家姐好比心機畫畫 ... 

坐係度畫, 叭係度又畫 

畫到疲倦, 攞出自備的柑及零食, 順便野餐

(我仲帶左個吹氣波波, 諗住有時間玩埋踢波 TIM)

其實我都未叫勁, 有人連檯及椅, 畫架都帶埋嚟

畫畫吓畫會見聽到很多人嘩嘩聲及一齊望上天

因為間中有成群雀仔在頭飛過好得意

家姐梗係又係畫佢最拿手 "小女孩" 啦

交畫仲有一個豬仔錢罌送

比賽結果要 2月至知

呢個活動咁正, 下年都要再參加先

今日的活動未完的

之後去左中央圖書館的兒戲遊戲室玩及睇圖書

再加埋家姐至愛的士多啤梨雪糕作為甜品

真係完美的一天 ... 對家姐嚟講