dinner buffet @洲際酒店

哈...哈...有人請梗係食好 D

每位 $588 的洲際酒店港畔餐廳自助晚餐夠豪未 

望住個靚靚無敵維港海景, 再加埋幻彩詠香江的激光表演食 buffet ... 

之前有人在洲際酒店進食自助餐後發生食物中毒事件

所以全部生冷食物欠奉, 冇左生蠔及刺身, 換上和牛及鵝肝等食品

好耐冇食 buffet, 一見到咁多鵝肝冷盤雙眼發光, 全部攞嚟試, 平時邊度捨得食啫

 

有個 friend 話竹笙雞絲翅好好味, 一個人飲左 3 碗呀

 

日式食物仲有蝦、茄子、蕃薯及魚天婦羅

冷麵都有幾款~ 粉紅色的梅子麵、啡色的蕎麥麵、綠色的綠茶麵

 

和牛好似平時食 buffet 咁, 一大嚿唔加任何調味就咁燒, 邊位好熟好韌而中間就好生

我覺得咁整唔係好夾, 食唔到和牛的香味, 嘥哂呀!!! 

 

甜品好好食, 平時我唔會食咁多甜品, 但相入面的甜品及 cake 我全部食哂呀!!!

細細個圓碌碌的法式小甜餅 macaron 出面賣 $10 一個

平時唔捨買嚟試, 飽死都要食番幾件, 仲有夾的時候要細細力, 好脆的

 ... 否則夾爛左個樣就唔靚

所有朱古力甜品都好好味

好似件朱古力蛋糕 opera 及 macaron 咁, 唔太甜又有好濃的朱古力味

但個梳乎厘就例外, 個賣相黑蚊蚊已經唔掂, 食落去又冇味

 我諗撒 D 糖霜係面會靚 D 及好食 D 

雪糕仲可以加 topping, 有軟糖、七彩朱古力碎, 朱古力粒 ...