石澳葡國菜

扭完蛋蛋, 大人細路都肚餓, 又要揾地方食晚飯, 咁難得過海梗係在香港島食啦.

就去左石澳試吓阿蘇介紹的匍國菜, 6 點去到, 一枱客都冇有 d 驚, 但咁遠嚟到冇理由就咁走 ka.

叫左乳豬例牌, 燒鵝半隻, 砵酒蠔, 炒麵, 牛尾煲, 蒜蓉包, 樣樣都好好味, 碟碟清, 飽到個個捧住個肚, 埋單的時候個哥哥仲話送甜品, 點食得落??? 但最後都係敵唔過馳名山水豆腐花的引誘, 一於食埋佢, 嘩........ d 豆腐花真係滑到呢 阿蘇冇介紹錯 .