雜果透心涼

在廚房揾到本 4 年前買落的甜品食譜, 中英印三文齊備, 當年特登買嚟比個工人整比我食, 佢一樣都未整過, 點知一放就 4 年, 時間過得真快.

家姐就開心, 睇中個乳酪雪條 ~~ 但我又唔想整, 雖然呢幾日暖番, 但又未至於熱到食雪條.

要揾過另一樣甜品說服佢至得, 但我家大小姐, 唔食白色的野, 只係鍾意食水果, 尤其士多啤梨 , 終於比我揾到呢個極易整又勁似佢的至愛甜品 "夏日透心涼" ~~ 就係我的改良版, 雜果透心涼.

呢款甜品極易整, 又健康, 最緊要係包冇失手, 啱哂我呢個 "冇飯煮婦"

1. 西瓜, 士多啤梨, 芒果, 哈蜜瓜切粒備用 2. 西瓜粒攪拌成西瓜汁

3. 將西瓜汁倒入杯, 再加水果粒裝飾

家姐的製成品