地點 : 紅磡‧都會海逸酒店
主題 : Lunch Buffet @ Promenade Restaurant
一班為食同事又出動喇!!!
九龍區的海逸酒店都試了好幾間了 ... 8 度海逸、君綽海逸都試過喇
今次試埋位於紅磡火車站附近的都會海逸酒店
先來一張生蠔相吸引大家 ~ ~
行勻成個場唔見冇生蠔或者翡翠螺 ... 本來好失望
但原來為了確保生蠔的新鮮，要同 waiter 落 order 至有的
我地有人多，每次 order 一打，生蠔是即開的，仲冰凍的
好大隻的生蠔 ... 肥美又鮮甜
海鮮類 ... 青口、凍蝦、日式辣八瓜魚及螺肉
魚生類 ... 種類又多，而且由師傳即場揮刀，新鮮又衛生
冷盤 ... 火腿及腸類的選擇超多，當然有我愛吃的巴馬火腿配哈密瓜
燒烤類 ... 不只燒牛肉的、仲有燒羊脾及燒豬脾
熱葷 ... 有多款咖哩選擇，當中庶蝦是我的推介
即叫即做的粥麵檔 ... 不能錯過，一定要試喔
粥料可是上等的食材，有八款揀，鮑魚、燕窩、蟹膏、蟹肉、瑤柱等
平時食 buffet 一定唔食粥的我都點了一碗 ... 蟹膏蟹肉鮑魚瑤柱粥
加埋油條及脆片 ... 賣相勁得的
碗粥好多餸的，很多蟹膏、蟹肉及鮑魚的
甜品非常豐富 ... 賣相仲好吸引，睇見都想食哂佢
木槺蛋糕 ... 第一次食木槺蛋糕。原來咁好食的
芒果卷 ... 外皮超軟糯。一定要試
綠茶紅豆蛋糕 ... 有綠茶味又有紅豆味。要試
紅桑子朱古力
... 外層鋪滿朱古力粉，裡面朱古力軟軟的，勁似 royce 果款咁。超好食，一定要試
芒果拿破倫 ... 好失望、太多酥皮、太少芒果。唔洗試
窩夫 ... 新鮮即製
雲呢嗱梳乎厘 ... 即焗的，如果有多 D 口味揀仲正
Haggan Dazs 雪糕 ... 八款味道任揀
分別是咖啡、草莓、紅桑子、雲呢嗱、芒果、cookies、抹茶、朱古力
有朱古力同士多啤梨噴泉 ~
最後，嘆埋埋即磨咖啡就完滿喇
好抵食呢 ...
每位 HK$208 (滿 10 位成人即時亨有 8 折優惠，現只須 HK$166.4 + 10% 服務費
此處的自助餐種類多，很多都是即叫即煮
食幾隻生蠔、一碗蟹膏蟹肉鮑魚粥、一件燒牛肉及豬脾、一杯雪糕、幾件蛋糕 ...
已經回本喇 !!!
沒有留言:
張貼留言