2009-08-08 榴槤豆腐花

兩隻小魔怪一定遺傳了我們的為食基因，一話去食甜品，幾眼瞓都頂住

 

今晚去到好遠的粉d嶺食甜品 ... 呢度有我最鍾意的榴槤豆腐花

 

榴槤布甸及榴槤班戟周圍都有得食，但呢個榴槤豆腐花唔係好多甜品屋有得食

 

仲有唔係間間甜品店的榴槤甜品都好食，

 

試過一次在 Mega Box 間幾出名的甜品店食榴槤班戟，D 榴槤苦到呢.. 

 

簡直入唔到口，難食到死 ... 換了 2 次都係咁，結果要換第二款甜品

 

我的至愛 榴槤豆腐花 及家姐及細佬的至愛 士多啤梨西米露

 

傻爸話要試新野 ~ 蜜瓜豆腐花

姑媽的什果西米露 (芒果汁底)

2009-08-08 台式鐵板燒

在香港食日式鐵板燒貴到死，兩個人食一餐要成千元

 

鑽石山 Food Court 裝修後，新開了一間台式鐵板燒，一個套餐只是幾十元 ... 試吓先

 

格局與日式鐵板燒差不多，都是圍坐在長形的大鐵板枱前，一樣可以欣賞到師傅即席表演

入席前先 order 食物，入席便奉上湯及白飯，然後在食客面前的鐵板上鋪上鍚紙代替碟子。

 

之後，師傅會即席表演鐵板抄菜，每份套餐都有芽菜及青菜，我們點了 3 份餐：牛仔骨餐、西冷牛扒餐及牛柳餐

美心 Hello Kitty 啫喱杯

姑媽比兩隻小魔怪的驚喜

 

隻 Hello Kitty 啫喱杯好靚，食完可以留返嚟做甜品

 

Hello Kitty 啫喱杯

終於開學了

因為豬流感的關係，今年的暑假特別長

 

漫長的暑假過去了，我們家長終於有些舒服的日子了

 

細佬大個仔了，到了入學的年齡 ... 是 K1 幼稚生了 

 

細佬的適應好強，只在沒有家長陪同上學的第一個星期，

在課室門口分手的時候喊一陣外，之後每朝都開心地換好校服等上學

 

亦因為豬流感的關係，家長不可送學生到課室門口，

洗手後要自己入課室，幸好有家姐拖住他的手仔送他入課室至唔驚咋

家姐都好搞笑的，每日都會向班主任報告細佬的情況：“細佬今日喊少少”“細佬今日好乖冇喊呀”

兩隻小魔怪返同一間幼稚園，避免攞錯書包，除了名牌外，亦掛了一些卡通匙扣作記認

 

貝兒公主扣針的書包是家姐的，反斗車王匙扣是細佬的書包，一定唔會攞錯

本來想買反斗車王的用品比細佬的，但可能我們太遲至去買，買唔到細佬的至愛反斗車王呀!

 

原來除了水杯是巴斯光年外，其他手帕及文件袋都是新幹線公仔喎

 

家姐的公主水杯

加拿大 sweet sweet 手信

好開心呀! Vienna 就快返嚟啦 ... 下星期見

 

佢 honey 之前加拿大之行的手信，兩隻小魔怪好鍾意 ... Thanks

 

隻鷄好搞笑的 ... 上鍊後, 隻鷄行幾步會生一柆朱古力蛋的

傻媽的至愛 ~ 水果味茶包

加拿大 sweet sweet 手信

好開心呀! Vienna 就快返嚟啦 ... 下星期見

 

佢 honey 之前加拿大之行的手信，兩隻小魔怪好鍾意 ... Thanks

 

隻鷄好搞笑的 ... 上鍊後, 隻鷄行幾步會生一柆朱古力蛋的

傻媽的至愛 ~ 水果味茶包

Heinz x Shrek Pasta

本來呢罐咁 cutie 的 史力加 pasta 是友人去加拿大旅行買比自己食的

 

但佢見兩隻小魔怪咁鍾意食，就割愛送比佢地

 

Heinz x Shrek Soup Pasta‧ 史力加湯通粉

通心粉的形狀是史力加卡通片裡面的人物

Heinz 仲有 crossover 其他卡通人物的罐頭食物

Mos Burger 紀州梅物語‧梅子果凍

某個星期日行街街的時候，被海報上面限量發售的 "紀州梅子果凍" 吸引著

 

 

嘩 ... HK$25 一個都幾貴的

 

但是 made in Japan，仲要出自日本和歌山縣著名的梅乾店「富之助」

 

 MOS Burger 紀州梅物語‧紀州梅子果凍
 

呢個啫喱有別於平時食的啫喱，較水狀，酸酸甜甜好開胃，好啱悶熱的夏天食

 

最初以為裡面粒梅子會好酸，但估錯哂 ... 好甜好好味喎



cars x campbell 意粉

友人美國工幹後的手信 ~ 反斗車王意粉

 

多謝哂! 兩隻小魔怪勁鍾意呢份禮物，昨日放學後即刻叫工人姐姐煮嚟做午餐，我都冇份食

佢們仲話好好食，D 意粉好得意的，是反斗車王卡通片裡的物品，有車王、莎莎及雪糕筒 ...

 

原來仲有其他卡通人物的 ... 迪士尼公主都好靚，但將公主形狀的意粉食落肚，好似殘忍左 D

 

另外，今日開始 bossini x campbell's 有一系列型爆的 T-shirt 及帽賣，仲有型仔的口水肩及童裝

 

上官方網玩遊戲仲有85折優惠劵，快 D 去睇吓      http://www.bossini.gig.hk/

Day 3 ~ 台北機場‧Hello Kitty 候機室 (23/8/2009 Sun.)

由於我們今次包車到機場，又冇塞車，所以好早到達機場，為食的我們又去食了

 

機場餐廳的紅燒牛肉麵 + 珍珠奶茶

 

第一航廈實在太細，很難消磨餘下的時間

 

好彩傻爸醒目識得行去第二航廈 C3 區的 Hello Kitty 候機室

 

雖然我們登機的閘口位於第一航廈，但其實與第二航廈的 Hello Kitty 候機室好近咋

無論座椅、電話亭和兒童遊戲室都是 Hello Kitty 主題

 

最開心梗係家姐 ... 玩到唔捨得走呀!

用剩的 NT190 剛好夠買一罐 Hello Kitty 糖果

勁難食的飛機餐

個空姐好好人，特登去攞個童裝的耳筒比家姐

 

搭咁多次飛機都唔知原來有 kid size headphone ... 粉藍色好靚 ... 好似戴了個頭箍

Day 3 ~ 台北‧西門町食買篇 (23/8/2009 Sun.)

時間無多，搭捷運落西門町買完手信就要返酒店取行李去機場了

 

蜂蜜苦瓜汁好好飲 ... 個哥哥仔的廣東話好流利的，

 

又話加青瓜會更好飲，但我覺得下得太多青瓜了，下次都是不加青瓜了

Day 3 ~ 台北‧忠孝東路食買篇 (23 Aug 2009 Sun)

通常行程最後一日都是 shopping day，我們都不例外 ... 作最後衝刺!

 

首先，去食早餐 ... 試「2007 年台北國際牛肉麵節」同時勝出紅燒組及清燉組冠軍的牛肉麵

 

洪師傅麵食棧 (早上11點-晚上9點)

 

東區地下街35店鋪（第七廣場旁

紅燒牛肉家常麵 NT180 (右)

 

取牛運動量最大的肌肉與脂肪分布最均勻的牛小排切肉先炒後燉，

肉質軟不塞牙縫，湯香濃富肉味；家常麵粗粗的，似刀削麵，好有咬口

清燉牛肉細麵 NT260 (左) 

用新鮮牛胸肉 (嚴選3-6節部位) 加入洋蔥、紅蘿蔔、白蘿蔔、甘蔗、蔥白、木瓜等配料細火慢燉，

湯底香濃而不油膩；

特選prime 級牛小排，富有大理石紋脂肪肉質鮮嫩，

經高溫瞬間燒烤，呈現5分熟的粉紅玫瑰色澤。

 

阿蘇推介的牛肉乾 NT600 3 包

食飽飽去忠孝東路 shopping，其實已經中午十二點，但大部份的店舖還未開門

好彩我們想買的品牌已開店 ... 馬騮頭 Paul Frank

價錢同香港差不多，不過有幾款 T-shirt 做半價，打拆後 NT690 一件，唔執輸買了兩件

傻爸鍾意的日本品牌 Graniph，NT1,480 兩件短袖 T-shirt

made in Taiwan 的 Porter International 銀包 NT1,220

 



在條露天的街係咁行熱到死，食杯雪糕降溫先

 

呢間 Fancy 的雪糕屋新開的，有買一送一推廣 NT105 兩杯

 

白雪尋梅 (前) 原味乳酪雪糕 + 士多啤梨 + 士多啤梨果醬

 

芒果奇遇記 (後) 芒果乳酪雪糕 + 奇異果 + 杏仁片

 

冰涷解渴的酸梅汁

每次到台灣必食的 鼎泰豐‧ 蟹粉小籠包 NT310 + 清燉鷄湯 NT180

其實，還有些店舖想掃的，但仍未開門呢

 

掃完忠孝東路，下一站 ... 西門町