東京近郊 8 天為食遊 ~ 手信篇

我老闆話要食草餅 ~ 三四月限定的櫻花味草餅 special for him

傻爸痴左線 ... 買左包 2KG 的新瀉米番嚟食, 話要試吓喎

另外, 有即食忌廉湯螺絲粉和粟米湯

魷魚絲, 帶子邊及辛辣米餅 ~ 買比同事食的

呢兩盒士多啤梨買比家姐及細佬的 ~ 怕壓爛特登 hand carry 上機

 

機場買的 Tokyo Banana ~ 成隻香蕉形的蛋糕, 軟綿綿都幾好食, 不過甜左少少

機場買的草餅

在機場買完草餅淨番 300yen, 買兩個啫喱啱啱好 ... 所有大銀洗哂, 一個都冇淨

東京近郊8天為食遊 ~ 手帕篇

每次去日本都會買手帕, 款式多價錢又平過香港

傻爸買比自己的

買比公公的

買比大姑媽的

得意水渠蓋

攝於池袋

攝於 輕井澤

攝於清里

攝於輕井沢路邊

Day 8 日本之旅最後一日 ~ 上野 (4 Apr. 09 Sat.)

早餐@一蘭拉麵

位於池袋車站好易搵

每個座位都有板隔開, 私穏度極高... 

不過我覺得好自閉

由落單到上菜都唔會見到侍應一面

成間店又黑沉沉, 冇哩生氣 ... 

我都係鍾意傳統的拉麵店

可以一面睇著師傳煮麵一面食

特別好味道又有氣氛

Day 7 下午 ~ 吉祥寺 (3/4/2009 Fri.)

 本來冇諗過在吉祥寺留咁耐

但呢度實在太好行

有 PARCO, 東急百貨等

又有好似心橋的購物通 ... 

我覺得仲好行過新宿

 

 

行到攰坐低飲杯 coffee 呌吓 ... 

唔記得飲抺茶咖啡

 

在日本的最後晚餐食咩好呢??  

好多野想食

好想食全程未食過的天婦羅飯

仲有我地至愛的燒肉 .. 好難揀

突然比我地見到呢間勁平的《90分鐘 牛肉‧豚肉‧野菜火鍋食放題》1,980yen 咋 ....

唔洗諗, 就揀呢間

  鍋ぞう 吉祥寺サンロード店

採用適度脂肪的牛肩膀里脊肉及日本國產高質素豚里脊肉... 

片到紙咁薄, 淥一淥就食得

20 種新鮮野菜任食

有我鍾意食的日本大蔥及春菊菜 

Day 7 午餐 ~ 吉祥寺 松阪牛 Satou Steak House (3/4/2009 Fri.)

下一站是吉祥寺 松阪牛專門店 Satou ...  

去食出名的 <免治牛肉球>

用上松阪牛肉加上洋蔥粒

有如網球般大, 香脆的外層, 充滿肉汁的內餡, 每個售Yen160

其實間舖好易搵, 去到附近已經聞到陣陣的和牛香味

睇旅遊書介紹呢間勁長龍店, 為避開夜晚多人時間, 特登改食午餐

 但點解下午都咁多人的 ... 真係想掉頭走

 原來條人龍係排隊買外賣的

咁我地就唔同人爭

改為堂食 二樓的 Satou Steak House ... 

雖然貴少少, 但點都平過在香港食

 排了不夠20分鐘就有位

bar 枱啱哂我地

睇住大廚即席炮製鐵板燒，手起刀落，好睇又好食

全部定食也都包括餐飲、沙律、漬物、飯、味噌湯和炒野菜 (紅蘿蔔及芽菜)

我們平貴各叫一客

一來拉勻冇咁貴

二來這樣才有得比較好吃的有幾好吃

先來的是我的定食 2,100 yen

牛肉很香亦很有肉味

在香港近乎沒有可能吃到這樣質素的鐵板牛

尤其是用這個價錢！

試想想，以百多港元的價錢

可吃到在香港要八百至一千港元才可吃到的級數，超值！

跟著來的是侍應介紹店內較貴的極上牛定食 5,250 yen。

究竟有幾好味？

首先它的賣相甚為了得

肥羔像雪花一樣平均分佈於整塊肉上

單是看也使我流口水

至於味道

入口即溶唔在講

肉味極度濃郁

冇一般肥牛的「肥而無味」的缺點

咬在口中肉汁四溢，口感肥而不膩

Day 7上午 ~ 武藏小金井 akachan (3/4/2009 Fri.)

自從某次去大阪行過間勁大間的 akachan 後

便成為每次去日本的必遊景點

 

嬰幼兒用品色色俱備，服裝、嬰兒床、car seat、奶粉、baby food 等咩都有

今日 plan 好去吉祥寺食松阪牛

所以揀左附近的武藏小金井 akachan

行完坐兩個站就去吉祥寺食lunch

. 

奶粉大量存貨, 唔怕重可以揹幾箱返香港

↓ baby food 的款式勁多

 

↓ 米奇餅乾幾 cutie

 

↓ 呢個 Nuk X Combi X Winnie the Pooh 奶樽 仲有得賣喎

4年前在大阪都買左幾個番嚟比家姐

                                                                                                    ↓ bb 專用的牙線籤都有

個 play corner 好大, 又多野玩 (有廚房玩具, 畫畫, 積木等), 小朋友實鍾意, 爸爸媽媽可以放心慢慢行

睇吓日本的兒童購物車幾靚, 又多款揀 ... 香港的超級市場學吓啦!!!

其實仲未肚餓, 但見到件朱古力 cup cake 又唔抵得, 點都要買件嚟試

 

Day 6下午 - 東京汐留 (2/4/2009 Thu.)

  在東京得 2 日時間真係唔夠

太多地方想去

只好揀一 D 未去過及好想再去的地方

有網友介紹汐留好有藝術氣息, 值得去

但去到又唔覺得喎, 好似中環商業區咁, 很多高的摩天大樓, 唔啱我囉!!!

Day 6 上午 ~ 橫浜 (2/4/2009 Thu.)

今日開始冇車楂, 要自己攞行李, 首要減磅

 ... 食左呢 2 個杯麵及乳酪先

 呢兩個杯麵都算經典

買左 4 日都未食

跟我地去過輕井澤、清里及石和溫泉, 再嚟到橫浜 ...  

比著以前, 已經變左傻爸的宵夜 ... 

但是今次行程實在太多美食, 唔洗食杯麵 

早上窗外的景色仲靚 ... 愈來愈覺得間房抵, 真係想住多晚 

食完早餐, 從酒店行 15 分鐘左右就到橫浜紅磚倉庫

橫浜海上保安廳 ... 係咪 "海猿" 仙崎大輔駐守果間呢???

 

午餐 ~ 一風堂拉麵@橫浜皇后廣場

日本全國有超過十萬家的拉麵店

各式的評選也很多

而在「麵王」評選全日本拉麵100強中

一風堂名列第一

傻爸 order 的午餐 set ~ 白丸肉玉子拉麵 + 餃子 5 個 + 飯

湯底是豬骨白湯 ... 好清甜, 絶對唔係味精湯

連平時食麵唔喝湯的我都狂喝, 成碗湯比我地清哂咁滯

麵條分  soft, normal, hard 三種, 我地揀 normal 好有咬口

玉子是溫泉蛋 ... 外面的蛋白是熟, 裡面的蛋黃半熟, 好好味 ... 早知我都加玉子

我冇咁大食, 只 order 一碗赤丸肉拉麵

赤即辣的意思, 碗麵多一匙紅色的微辣醬及醬油 ... 未撈之前的湯好清甜

但撈埋辣醬後完全唔同哂, 甜甜地又有少少辣, 唔識形容, 總之好好味, 碗湯又比我地喝哂 

eee 仲有碗飯未食好嘥喎 ... 

見隔離個日本人係咁加枱面的芽菜及漬物落碗飯度食, 好滋味咁

一於跟住試吓先, 加左芽菜及漬物的白飯又真係好好味, 一人一啖又比我地食哂 lu

在 Paul Frank 個 counter 見到 d 野好靚, 但呢個袋的價 $$ 仲靚, 平到我地自己都唔信

以為要買野加錢換的, 問完 sales 姐姐至敢信咁平 ... 

一於買 2 個, 一個自己的, 另一個梗係買比 Paul Frank fans 的神姨... 

喂 ... 見 blog 快搵我取貨 ... 否則比人搶左自誤