My X'mas Present .. 多謝儍爸

老友 V 到巴黎工幹, 問有冇野要買 ... 

有好多野想買, 但冇 $ 囉 

其實佢年頭去巴黎我已經好想買個呢個 LV Neverful MM

但又唔捨得

諗左成年及加上歐羅又跌左

最重要係佢話唔知下次幾時會再去, 今次唔買冇機會喇

咁辛苦做野為咩 ... 

買份禮物 "tum" 吓自己都好應該啫 

昨夜 gathering 時終於攞埋呢份聖誕禮物 ... 

都可以咁講住的, 因為仲未比 $ 囉 

哈 哈 哈 ... 有新袋用喇

 

Merry X'mas ... X'mas Party with friends

好難得劉生劉太借出元朗大宅舉行呢次聚會

首要條件係唔可以 BBQ, 因為上次的可怕經歷 ... 

燒完野食後, 佢地要用好多好多時間清洗天台地台及樓下的白地板 ... 辛苦哂 

所以今次要勞煩劉太親自下廚 ... 

最操勞都係佢個焗爐 ... 

我諗亦都係佢地入伙以來用得取多的一次

最好食係碟燒羊扒

呢個麵包個樣勁似飄零燕裡面海迪唔捨得食留番比婆婆嗰個麵包

係焗爐攞出嚟, 香到呢, 熱烘烘脆卜卜, 加埋鵝肝醬好味到爆

有冇發覺冇細佬的相呢 ... 

細佬今日發燒呀, 要留係屋企休息

細佬快 D 好返呀, 新年再帶你去街街

聖誕禮物

呢兩個小魔怪咁心急梗係唔可以等到 Boxing Day 至拆禮物

家姐的禮物 ~ ~ 迪士尼公主城堡收銀機玩具 

家姐楂住支假唇膏扮塗唇膏

細佬又攞住個香水樽扮唧香水, 除了幫自己噴, 又幫傻媽及爸爸噴, 勁攪笑

細佬的禮物 ~~ dress up teddies

X'mas Eve Lunch Buffet @Novotel Nathan Rd

今日同班同事食左餐好豐富的聖誕大餐

咁大個囡都未食過餐正式的聖誕大餐 

(咁鬼貴, 自己比 $ 梗係唔捨得)

睇見咁靚的聖誕裝飾及薑餅屋開心到呢

淨係掛住食冇咩影相 tim, D 相都係食完冇野做至影咋

 

 

學校聖誕聯歡會

時間過得真快, 咁又一年

記得去年聖誕聯歡會, 不知幾緊張 (話哂第一次嗎)

一早準備煎腸仔作為聯歡會的分享食物, 又相機又攝影機咁

仲特登早起同家姐換衫及化妝 ... 

家姐做主角喎 (聖母瑪利亞), 返到學校仲幫其他小朋友化妝 tim

  

今年家姐成班 K2 表演唱歌 ... 

佢成日係屋企練歌 KA, 不過冇留心聽佢唱咩喎

老師冇話要化妝

所以呢個好懶的儍媽係粥舖買左盒抄麵作為聯歡會的分享食物

就輕輕鬆鬆咁拖住家姐返學啦

 

 

細佬又貪得意帶住頂聖誕帽周圍走

今年第一個 X'mas Party

多謝正正媽咪的邀請, 參加了今年第一個聖誕派對

唔洗錢有得玩又有禮物, 真係好介紹

好好運的細佬又抽到奬

Bye bye 網床

雖然我家有兩個 BB, 但 D 嬰兒用品真係好新好新

好似張 BB 床買左 4 年, 但實際用的日子加加埋埋只有 1 年

仲要係初生階段用的, 所以有 8 成新

而張網床用得仲少, 家姐都有用過吓, 而細佬好似有恐懼被困症咁

一放落張網床就喊, 又係擺多過用 ... 掉左去又嘥

本來諗住攞去二手市場賣 ... 賣番幾百都好, 但又懶喎

今日終於有人接收, 梗係盡清喇

原來仲有好多 BB 用品係度, 暖奶器, 研磨器, disposal ribs, 公仔奶嘴, BB 衫 ...

煲仔飯@牛頭角下邨

之前睇忽周介紹牛頭角下邨的美食, 煲仔飯呀粥呀

 .... 好想好想食

今晚終於去左喇, 居然在間懷舊茶餐廳內食到好好味的煲仔飯及羊腩煲

真係抵食又好食 ... 

臘腸蝦乾排骨煲仔飯, 咸蛋肉餅煲仔飯, 雙椒抄大腸, 羊腩煲, 加埋大大枝樽裝可樂

  ... 盛惠 HK$200

不過, 想食就要快喇, 牛頭角下邨就嚟拆, D 食好似年尾就會結業

我仲要去多幾次, 食糯米飯  

(細細個在街邊買的蒸糯米飯, 最緊要係上面加脆卜卜的花生), 粥及咸煎餅, 潮州打冷 ...

收到淘寶的襪套喇

一返到公司, 個同事話星期六幫我收左件郵包, 仲代付 HK$34 郵費

一定係淘寶訂的襪套

最初仲以為順豐星期六唔送件的, 要今日至收到 tim

順豐事前又冇電話通知, 如果我地係 5-day work 佢一定白行一趟

襪套的質地都幾厚, 同相的一樣, 真係超值

不過, 最抵都係條打底褲 RMB$20 咋, 早知買多幾對比家姐襯裙仔

2008年 親子智能部落

呢個活動本來應該一個月前舉辦的

因為活動場地的其中一層幼稚園出現流感, 延遲了一個月

一入場每位小朋友有一大袋禮物, 裡面有玩具及飲品

地下 ~~ 一入門口家姐比個做勞作的 counter 吸引住, 自己黏黏貼貼

我及細佬去對面玩泥膠

之後, 再出去公園印手手

二樓 ~~ 家姐最鍾意的塗鴉

三樓

親子旅行 ~ 元朗荔枝山莊

這日是家姐仔學校的親子旅行

又再淘寶

今次的目標係買襪比細佬 ...

原本諗住十幾蚊買襪 ...  要比 RMB30 運費唔化算
但 search 到好多襪的店舖都有襪套賣 ...
而呢款襪套好啱我兩隻瘦 monkey 佢地很多長褲都係吊腳的

全部都係腰圍啱褲太短

在冬天好易冬親小腿
呢款襪套正好暖住佢地個小腿
屋企著又得出街襯衫又得 只不過 RMB8 對
yahoo 賣緊 HK$23 對 KA 就係咁, 買吓一對買吓一對, 又買左成百元

Mega Box ~ Winnie the Pooh 迷宮

兩隻小魔怪入到迷宮勁開心

成隻甩繩馬騮咁四圍跑

差 D 搵唔到佢地

好彩佢地胆小

轉個彎見唔到我地即刻識行返轉頭搵我地

唔係實唔見左 

布袋澳海鮮餐

今日公司個妹妹仔做東請食海鮮餐

係公司唔好亂講野呀 ...

上次佢就係話未去過布袋澳, 其他同事即刻好熱心話帶佢去, 不過佢請客

平時同佢地一齊唔會攞部相機四圍影相, 實比佢地話鄉下婆

但今日有個妹妹仔一齊癲, 咩都影一餐

總覺得呢度食海鮮正過西貢

梗係啦 ... 淨係個靚海景都加唔少分

不過, 最攪笑都係後面果枱, 最初以為佢地成枱大男人傾咩咁投入

原來係度傾緊 "珠光寶氣的

劇情, 蔡少芬同岳華, 林保怡同邵美琪咁, 呢套台慶劇果然勁

睇返 D 相至知原來今日食左咁多野

梗係有點我的至愛 ... 薑蔥蟹

仲有碟炆班腩都勁好食 ... 個汁好好味, 大大碟都清哂

食到個個都棒住個肚, 連水果都食唔落

多謝哂 ... 妹妹仔!!!

第一次淘寶

見到網友在淘寶買冷好平, 唔抵得又開左個戶口

買左 D 毛冷, 扣針, 針帽及成套雙頭竹棒針都係 RMB113

在香港只係套針都要 HK$100, 好抵呀

 昨日與個賣家覆好貨品及付款後

 啱啱就收到順風速遞個電話話係門口

一日時間就收到喇

我愛上淘寶 ... 方便快捷又簡單 ... 今次實破產

細佬得左喇

今日收到幼稚園寄嚟的信 ... 取錄了細佬喇

好彩有家姐仔為細佬鋪路咋

否則呢個百厭細佬唔知點算

一定要報定好幾間學校至放心

Peach Milk Tea

唔知係咪比家姐仔傳染左, 我呢期都好鍾意桃味

訂奶粉的時候, 比佢個粉紅包裝吸引住, 訂左一包試吓

咁啱今日冇帶飯, 用半包桃味奶茶溝即食麥片又一餐

好香桃味, 用嚟溝麥片甜味就啱啱好

加水當奶茶飲就會太甜

細佬入學面試

細佬剛滿兩歲的第一日要做的事就係面試

本來為細佬準備了一件型仔恤衫

但搵唔到褲襯, 所以變了呢身 causal look

傻媽今日要返工, 同細佬面試呢個重任就交比傻爸

今日的面試快到呢, 9:00am 開始, 9:30 已經走得

傻爸話只係幾個小朋友在房內玩玩具

老師從旁觀察一陣, 再到小朋友身旁傾兩句

細佬仲攪笑, 面試中途話要去廁所

傻爸同老師講要出去廁所一陣

老師就話佢地已經面試完仲走得 tim ... 

唉, 咁快的, 係咪代表 "肥" 左呀!!!

原來, 細佬在學校好多 fans 的

幾乎所有老師及嬸嬸都識佢 ka

儍媽的 lace ribbon scarf

呢幾個桃紅色毛冷本來用嚟織頸巾比婆婆的

但婆婆話好多頸巾, 唔洗織比佢咁麻煩喎

我好少用咁 sharp 的顏色, 最初都驚自己會唔用, 但愈織就愈鍾意呢隻色

陪婆婆覆診果日帶埋出街織, 比婆婆見到條織左一半的頸巾

婆婆話好鍾意隻色同個款, 又話想要一條喎, 真係比佢激死

條頸巾兩邊成日捲埋一舊, 要用微溫水浸 20 分鐘

再用大頭針固定位置, 乾左就唔會捲埋一舊

細佬 ~~ 生日快樂

細佬今日兩歲喇!!!

囝囝快高長大, 身體健康, 日日都咁開心

傻爸一起身, 第一件事就係同細佬講生日快樂

家姐同細佬講完生日快樂, 就話家姐錫錫先 ... 勁攪笑

冇特別為細佬攪生日會

晚上在屋企同細佬切蛋糕就算, 傻媽連生日禮物都冇準備

不過, 就有個生日細佬的至愛 ~~ 反斗車王芒果蛋糕

姑媽送了個反斗車王枕頭袋比細佬, 佢以後終於唔洗用個勁女仔的 Melody 枕頭袋

家姐今晚好食得呀, 食了兩件蛋糕呀!!!

聖誕裝飾 (4) ~~ 又畫水彩

本來今晚準備做吊飾

但家姐昨晚畫水彩畫上癮, 要 encore

今晚唔再躲係廁所畫, 而係同細佬一齊畫

一人一支水彩筆 ... 畫畫畫

家姐依然玩溝顏料, 仲溝到全部顏色亂哂龍, 所以畫出嚟的畫都黑沉沉

到目前為至, 細佬都好乖咁坐定定畫畫, 周圍都算乾淨

但我一攞相機出嚟影相, 細佬就過嚟睇相 ... 唉, 我條褲呀, 佢隻 dirty hand 呀

一不要二不休, 橫掂都 dirty ... 玩埋全家福的手印先

將顏料唧係家姐及細佬手仔, 再印印印 

點解三缺一??? 

傻爸未放工囉???

 

 

家姐今晚真係玩得好開心呀!

臨瞓前同我講佢今晚玩得好開心, 要錫我 13 啖, 係咁錫錫錫

 ... 唔只 13 啖呀

囡囡 : 媽媽都好開心呀!

學校 BBQ 活動

家姐昨日千叮萬嘱我放工買腸仔比佢帶返學校 BBQ 用

一早家姐仔開開心心攞住幾條腸仔返學校

一入學校已經見到主任及家長義工 set 好燒烤爐

家姐仲話食左三碗, 魚蛋及腸仔呀!!!

聖誕裝飾 (3) ~~ 水彩

今晚要做的裝飾好簡單

不過, 好麻煩 ... 因為細佬一定整到周圍都係顏料, 好 dirty

所以我及家姐躲入廁所畫喇

家姐好開心咁將顏料唧到水彩碟中, 畫畫畫

但最鍾意都係溝顏色, 溝到亂哂

最可惜係冇白色顏料, 唔到佢鍾意的粉紅色

家姐乖 D ... 傻媽就會買埋支白色顏料比你啦

聖誕裝飾 (2) ~~ 聖誕老人吊飾

今日小魔怪飲完乳酪的紙杯最啱做呢個聖誕老人吊飾

除了紙杯, 又準備了廁紙, 絲帶, 毛冷

聖誕裝飾 (1) ~~ 彩條

聖誕將至, 又係時間佈置家居

家姐最鍾意做勞作及畫畫, 一於 DIY 聖誕裝飾

首先, 將舊雜誌剪成條, 再一圏扣一圏, 

便成七彩繽紛的彩條 ... 記住揀顏色鮮艷的, 做出來才靚

仲有呀, 工人姐姐見我地做得咁開心, 又做埋一份呀!!!

三個喇叭都要襯番個聖誕節主題先

簡簡單單戴頂聖誕帽就得喇