火車 ... 砵..砵..砵

友人送的木製火車玩具

細佬又多架車車

neckwarmer

 

有時織剩一個半個毛冷, 攞返去換又煩, 放係度又嘥

用嚟織 neckwarmer 就最啱

織多幾條嚟襯衫又得, 送比人又得

哈 .. 哈 .. 哈 .. 係咪講到成個專家咁呢

 其實我未織過 neckwarmer, 只係睇到個 pattern 好似好易織咁

第一條 neckwarmer 織比婆婆的, 細細條方便携帶, 比佢平時帶出街暖住個喉嚨

昨日送左比婆婆, 佢好鍾意呀, 仲 order 多一條短少少的

 

大閘蟹餐

第一次同呢班大食老友食大閘蟹

通常都係打邊爐 ... 

佢地係煌蟲嚟, 多多都唔夠食, 打邊爐就最好, 食幾多自己淥, 唔洗煩

但今次新朋友 Vienna 老遠由加拿大返嚟, 梗係要準備 D 特別野款待啦

佢地咁大食, 淨食大閘蟹梗係唔夠啦, 我地幾個仲親自下廚 tim

傻媽就整好簡單的凍蟹及大閘蟹

超整泥猛粥及煎魚

佢好細心呀, 將魚起哂骨, 唔驚比魚骨鯁親呀

至於煎魚都好好味, 煎到脆卜卜, 我仲 "輪" 埋條骨 tim

友人V 整果醬雞翼

冇錯, 原來果醬都可以煮餸的, 甜甜地好好味 ... 

家姐及細佬仔, 傻媽會教工人姐姐煮比你地食的

仲有多謝哂 友人V 的禮物, 包裝得好精美

我好鍾意張 handmade 的咭, 仲將佢釘在公司的 partition 上

友人C 的西蘭花抄魚片

最大工程梗係屋主劉太喇 ... 

青紅蘿蔔豬骨湯, 灼蝦, 灼螺, 薑茶

最慘都係事後的清潔工作, 洗碗抺地等

班煌食完飯仲要食零食, 一邊飲紅酒一邊吹水 ... 

真係食力過人

下次招待呢班煌蟲都係打邊爐實際 D

物品捐贈

昨晚家姐去左姑媽家過夜

細佬又瞓左

 又係清倉大行動的時候

好努力咁翻箱倒篋執左兩個多鐘後

執到一箱及兩大袋玩具及家品 ... 

全新的仲有包裝盒的 ... 

點解我會收埋咁多野呢???

其實呢 D 全部都係送比家姐學校的校慶賣物會用的

唉 ... 要諗吓辦法拎返學校先

 

 

2008 蘭桂芳嘉年華

前兩日問家姐今年仲去唔去返舊年去過的蘭桂芳嘉年華玩

佢好開心話去去去 ... 仲問我可唔可以著公主裙去

今早我攞條 Aurora 公主裙出嚟, 佢開心到呢

可惜 ... 細佬冇王子衫襯番家姐

呢度好熱鬧及好熱呀

舊年有好多迪迪尼 character 巡遊

 

去到邊都見到白雪, 貝兒, 仙蒂及奧羅拉, 家姐望到佢地已經開心到暈 ... 

但今年唔見哂的, 一個都見唔到呀!!!

去左間餐廳食晏兼呌吓

根據網頁簡介呢間餐廳的主題是《Barbie 美麗教室》@ Baci, 

小朋友可親自設計及製作最喜歡的芭比造型

好似舊年一樣, 呢個時段冇人幫襯, 得我地一枱客咋

姐姐教家姐將手工材料黏在芭比的衣服上作裝飾

走的時時候, 細佬已經眼瞓到攬住我

但個為食仔一到聞香噴噴的雪糕味即刻彈起

he .. he .. 今日的戰利品幾豐富

Graffiti @Bathroom

剛剛在 yahoo blog 見到有個小朋友玩沖涼蠟筆

人地有成套顏色筆, 但小魔怪毎人得一支咋

不過, 一支都玩到唔願走, 有齊一套仲得掂 

個皇冠改好喇

個皇冠加大之後啱哂家姐

不過細佬王子都啱喎 ... 

佢個頭仔咁大咩???

傻媽親手織的皇冠

愈來愈覺得編織好玩

原來皇冠都可以織的

呢個皇冠只用左 2 小時就織好 ... 但好似唔係咁似的???

咁夜冇理由抄醒家姐試戴???

麻煩跳跳虎及 My Melody 做住 Model 先

今朝終於可以比家姐試戴

好彩家姐一睇都知係皇冠

但細左少少 ... 今晚再修改先

好開心...又有波波池玩

以前個 hello kitty 巴士波波池爛左好耐

但傻媽覺得屋企咁多玩具唔比買個新的

多謝姑媽送個波波池小魔怪至有得玩

時間過得真快

記得之前都係用波波池的波波教家姐認顏色

而家輪到家姐教細佬仔喇

自製填色畫册

兩隻小魔怪最鍾意畫畫

有鑑於平時一張張白紙太過散落

上兩星期買了兩本畫册比他們

但不消一星期已畫滿圖畫

再買畫册真係唔化算

決定自製兩本畫册

正面係佢地鍾意的人物填色畫, 背面係白紙, 可以比佢地畫畫

原來, 細佬已經識畫圓圈

仲有細佬好鍾意每頁畫兩筆

呢本又唔知可以涯到幾耐

餅咭

以前總覺得好難用到一張餅咭

12 件餅一家人怎樣食得了

但今日在餅店點了 5 件餅加多 $4 就用了一張餅咭

最離譜是一杯啫喱在上面加少少乳酪就 $12 

果真百物騰貴

N年前織的第一件冷衫

呢件就係我 N 年前織的冷衫

有帽雙口袋的長款冷外套

呢件係織比自己的, 仲織多左一件比婆婆 ~ 

顏色及款色都一樣的

都唔知當年痴左咩線, 淨買冷都用左 $600, 買到件喇!

日式燒烤@九龍城廣場蒲煱

上次經過九龍城廣場被外牆大大張海報日式燒肉廣告吸引

仲話採用韓國最新的遠紅外線無煙燒烤爐

 ~ 無煙燒烤, 防癌環保

order 左兩份和牛及海鮮餐 ~ 五個大人食

有牛肉, 牛肉, 大蝦, 雪鱈魚, 蠔, 豬頸肉, 鵝肝, 金菇, 茄子, 草菇, 粟米

所有食物都冇用調味料醃過, 桌上有淮鹽及胡椒可自行調味, 或食時醮上醬油

最正都係牛肉, 入口即溶

燒好的蠔, 外層金黃好似醮左炸粉咁脆脆地

加左淮鹽及胡椒的燒三文魚鮫一D都唔腥

食日韓式燒烤好少燒菜, 因為好易燒焦及乾巴巴, 難食到呢

但今晚燒的茄子及金菇出奇地好食, 一大堆清哂

最後至燒鵝肝, 費時 "漏" 到食唔到其他野

食埋個甜品就滿足哂, 我最欣賞佢個龍眼果凍

鮮橙果凍

簡單又易做的甜品

BBQ

本來今日行山再去 BBQ

但家姐又未做功課, 所以冇得去行山, 下午至 join 埋 BBQ

仲帶埋 bubble 及畫簿比佢地玩

坤叔叔開左個題目 "四歲的兔仔" 比家姐

又估唔到家姐會咁表達喎

 

仲識寫個 4 字 tim

頸巾 for 傻爸

最近愛上呢個編織網站

好羨慕人地織到 D 咁靚的頸巾及外套

最好就係有埋 pattern 提供 ~~ free 的

以前自己織的頸巾只係高低針 ... 勁簡單

見到呢個款頸巾簡單得嚟又幾靚

去 spotlight 買幾個冷還債先

傻爸話要 sharp 啲, 揀左我鍾意的彩藍色冷 ~ 

 呢隻色男人用係咪怪左啲

細佬的車隊

女仔玩公仔

男仔玩車仔

又幾啱喎

細佬最近好鍾意攞哂 D 車仔出嚟

有時一字排

有時玩泊車

 

有時玩撞車

午餐@澳洲牛奶公司

昨晚已經諗好今日去佐敦食晏

好掛住件牛油厚多士及抄蛋

但一起身出面落大雨 ... 點算???

但返過來諗, 咁可能係好事喎 ... 咁咪少 D 人囉, 唔洗等位喎

同家姐著番對水鞋就出發

果然 ... 

少左人, 唔洗等位, 比左個面壁卡位我地, 冇人望住慢慢食好自在

家姐仲除埋對鞋係度畫畫 tim

收到入場券喇

舊年去過保護兒童會的親子智能部落, 好多野玩的

又體貼喎 ~ 

入場時每人送支蒸餾水, 玩到口渴有水飲

最重要有家姐鍾意的畫畫 ~ 仲要係用水彩畫在牆上, 平時絕對冇機會玩的

今年梗係再報名參加喇

9月18日上午10時開始接受網上報名

估唔到咁多人報名喎 ... 攪到網絡擠塞

成朝都入唔到個網入到又登記唔到

到午飯時間至成功報到名

仲以為遲得滯冇哂位 tim

直至 9月24日收到確認信通知索取入場券 ... 開心到呢

四張門票, 一人一張唔洗爭 

荷媽阿卡@九龍城

大閘蟹季節又到喇

為食的我地梗係唔會錯過

去左九龍城永富買蟹

係門口個凍櫃見到家好月圓成家  .... JO 飽, 荷媽, 阿卡, 管家仔 ...

$40 隻的恩賜最好賣 ... 冇哂啦

唔執輸, 買左兩隻 $40 的 SA 姨嚟試

雖然平平地, 但 D 蟹膏都好正, 一樣塞滿成個蟹殼

兩隻 SA 姨梗係唔夠喉

一人整多隻大大隻的陽澄湖大閘蟹

我鐘意食公多D, 蟹膏軟 D 香 D

就咁睇 $40 的 SA 姨及 $100 隻的陽澄湖蟹好似分別唔大

一睇蟹鉗就大細立見

加多個抄麵又一餐 ... 好滿足呀!